Ikhansela lasendaweni yakwaHlathi Cllr Sizwe Simelane oyiphini lemeya kumaspala wase Alfred Duma uthi ithemba lakhe lonke uselibeke kwithimba lasoThukela.
USimelane ube nomhlangano nezikhulu zomkhandlu uThukela ziholwa uMnuz Langelihle Jili ongomunye wabaphathi abakhulu bomkhandlu. UJili ubezobheka lezindawo ezavezwa umphakathi ngesikathi uNgqongqoshe wezokubusa nokubambisana namakhosi kuzwelonke uMnuz Velenkosini Hlabisa ehambele ekuVukeni ngoMsombuluko.
Umphakathi wakwa Hlathi watshela uHlabisa ukuthi baneshumi leminyaka bengenawo amanzi endaweni yabo.
Ukhansela uSimelane uthi njengoba umeya ezibonele ngokwakhe ukuthi kunjani lapha kwaHlathi ithemba lakhe nomphakathi wakhe uselibeke kuyena ukuthi sebeyophuza amanzi ahlanzekile ngokufika kwakhe.
Kanti umphathi omkhulu womkhandlu uJili uthi bazihambele zonke izindowo ezavezwa umphakathi ukuthi zinenkinga bayathembisa njengoThukela bazoyilungisa inkinga yamanzi kwaHlathi.