kwethulwe inhlangano entsha ezobhekelela izidingo zabantu abasha kanye nabesifazane endaweni yase-Arcaciaville eMnambithi.
Lenhlangano eyaziwa ngokuthi yiWomen And Youth Operation yinhlangano engenzi nzuzo(NPO) ehlose ukuqinisekisa ukuthi abantu abasha ikakhulukazi abesifazane bayakwazi ukuthola izinsiza zokufeza izifiso zabo kanye nokuqinisekisa ukuthi izinto abazidingayo njengamaqabelo bazithola eduze.
Yethulwe phambi komphakathi wakuward 20 endaweni eyaziwa ngokuthi yiseNdomba, khona e-Arcaciaville. Ekhuluma nabezindaba usihlalo wayo uDean Smith uthe bazogxila kuyo yonke imikhakha ethinta intsha ikakhulukazi engaphansi kukwaward 20, “Siphuma enyangeni yabesimame, akukho nokukodwa esikubonile kwenzeka kuleward ukubungaza lenyanga, lokhu kusithinte kakhulu sase sibona ukuthi kuyadinga ukuthi singenelele,” kuchaza uDean
Lenhlangano izogxila futhi kwezemfundo, ezemidlalo ezenhlalakahle nokunye okuningi. njengoba iyinhlangano engenzi nzuzo nje, izoncika kakhulu eminikelweni ephuma kubantu nezinakmpani ezinesifiso swokufaka isandla.
Amanye amalungu esigungu esengamele lenhlangano kubalwa nophumlani Mpembe ongu-Organiser, uVedrous Khan ongunobhala kanye nabanye.