Lowo ongumculi noprojusa odumile kuleli uArthur Mafokate ukhale ngaphansi enkantolo kwi sicelo sakhe sokuvimbela ukudliwa komuzi wakhe awuthenga ngemali ayeba kwa Lotto.
UMafokate wafaka isicelo soxhaso esebenzisa inhlangano yakhe South i-African Art Development Organisation kwa National Lotteries Commission kwa Lotto ngamafuphi nalapho athi uzoyisebenzisa ukufukula intsha yasemakhaya engasebenzi, ukuthuthukisa amakhono kanye nokuyilekelele ukuze yazi kabanzi ngezamabhizinisi emkhakheni womculo.
Isicelo senhlangano yakhe saphumelela ngonyaka ka 2014 wathola imali elinganiselwa ku R9.5 Million nasebenzisa kuphela elinganiselwa ku 1.8 Million kwathi uR7.5 Million wathenga ngayo indawo yezivakashi eMidrand.
Inkantolo ephakeme ePitoli izolo ichithe isicelo sakhe sokuba umuzi ungadliwa njengoba ethi wawuthenga ngenkampani yakhe i-999Music, inkantolo ithi akayinikezanga incazelo ezwakalayo yokuthi umuzi lo wayezowuthenga ngani ukuba imali eyayivela eNLC ayingenanga njengoba imali ayenayo ebhizinisini yayinganele ukuthi athenge indlu.
Lokhu kwenzeka nje ingaphezulu kuka R56.3 Million imali eyebiwa zinhlangano kwa NLC kubalwa nayo eka Mafokate nokwavezwa luphiko lwe SIU