Mpumalanga – Iziphathimandla zaseMpumalanga zixwayise umphakathi ukuthi ugweme ukuwela imifudlana nemifula echichimayo ngemuva kokuduka kwabantu ababili eMkhondo ngoMsombuluko.
Owesifazane oneminyaka engu-27 ubudala kanye nendoda eneminyaka engu-19 ubudala kusolwa ukuthi bagugulwe wumfula i-Assegaai, obhidlike usebe kulandela izimvula ezinamandla. Amaphoyisa abatshuzi ayaqhubeka nokuthungatha abadukile.
Okhulumela amaphoyisa esifundazweni uDonald Mdhluli uthe, “Izolo lo mkhankaso kudingeke ukuthi umiswe ngemuva kokuthi uphiko lwethu lokutshuza lakwaSAPS luye endaweni. Ngakho-ke, basafuna, abakatholakali. Sinxusa amalungu omphakathi ukuthi ayigweme le mifula ngoba sibe nemvula enkulu ukuze kungabi nezigameko lapho abantu bezoduka noma baminze.”