Abahlomuli beNational Student Financial Aid Scheme (NSFAS) ababhalise okokuqala emakolishi nasemanyuvesi baxwayiswe ngokuthi bayeke ukuqamba amanga mayelana nemali yokubhalisa.
Isishoshovu sezemfundo, uHendrick Makaneta, uthe lezi zimali zihlanganisa ngokugcwele ukubhaliswa kwabafundi abafanelekile.
Uthe asikho isidingo sokuthi abazali basebenzise imali eyengeziwe uma bebhalisa.
“Iyakhula imibiko yabafundi abadukisa abazali babo ngokufuna imali, kwesinye isikhathi baze baboleke komashonisa ukuze bakwazi ukubhekana nezindleko zokubhalisa iNSFAS esivele isizikhokhele ngqo emanyuvesi nasemakolishi amaTVET ngenxa yabantwana abanamanga.”