Amaphoyisa athungatha okungenani izigebengu eziyishumi nambili okusolakala ukuthi bezizama ukuduna imoto yemali izolo elkuseni ngoMsombuluko.
Onogada ababili abebephelezela imoto yemali bahlaselwe balinyazwa besendaweni yaseNdundulu eMelmoth.
Kuqhume isibhamu phakathi konogada nabasolwa, kwasala onogada ababili belimele.
Okhulumela oKlebe eKZN, uSibu Ncane, uthe abanye abasolwa nabo bakutholile ukudubuleka kodwa babaleka benjalo.
“Ngesikhathi imoto yemali yenyuka umqansa endaweni yaseNdundulu, kuqhamuke iveni enabasolwa yabadubula,” kusho uNcane.
“Kuqhamuke imoto yesibili inabasolwa ngemuva yadubula imoto yakwaFidelity.