Kushe kwangqongqa umuzi obekuhlala kuwo uLindo Mhlongo obhekene necala lokuthumba, ukudlwengula kanye nokubulala ngokuklinya uZanokuhle Khumalo(7) endaweni yaseDumisani Makhaye Village eMhlathuze eMpangeni.
Umsolwa kuthiwa wabulala lengane maqede wayifaka ngaphansi kombhede wabe esefona ebazisa ukuthi ingane izotholakala kuphi.
Ngemuva kwalesigameko umphakathi wadinwa wagana unwabu wagasele kulomuzi wafika wawushisa.
Umnikazi womuzi ukhulume nabezindaba wathi kumxakile ukushiswa komuzi wakhe ngoba yena ubengasithumile lesiqashi ukuba sigile lomkhuba naye ubengazi uzwe ngaso sesimfonela sesimazisa ukuthi ingane sesiyibulele sayifihla phansi kombhede futhi nguye ohlabe umkhosi emva kokufonelwa ngusolwa.