Sekuqalwe uphenyo mayelana nomlilo oshise imizi engaphezu kuka-40 emijondolo eThekwini.
Bangaphezu kuka-80 abantu base-Foreman Road Informal Settlement eClare Estate abasale dengwane ngemuva komlilo oqubuke ngobusuku obandulela uNcibijane.
Akekho olimele.
UBilaal Jeewa weGift of the Givers uthi banikeze izisulu ukudla okushisayo namanzi asemabhodleleni.
“Idlanzana labahlali balo mjondolo selihambile liye emakhaya ukuze liyovakasha ngakho uma selibuya, sizokwazi ukubheka ukuthi bangakanani abantu abathintekile.”