Sekube nesinye isigameko sokubulawa ngesihluku komunye umholi wendabuko kulesi sifundazwe saKwaZulu Natali.
Unkosikazi Duduzile Mchunu waseMnambithi endaweni yakwaQhibukhowe udutshulwe wabulawa ngoLwesine ebusuku esemzini wakhe kuyona lendawo. Kuthiwa kugasele amadoda angaziwa kulomuzi maqede avulela ngenhlamvu ebhekise kuyena nendodakazi yakhe nayo ephangalale kuso lesi sigameko.
UMchunu ubeyinduna ngapnsi kweNkosi yaseMachunwini kuyo lendawo. Akukaziwa ukuthi yini imbangela yokubulawa kwakhe kanti abasolwa basagcwele amathafa.
Kulokhu kwanda ukubulawa kwabaholi bendabuko kulesi sifundazwe njengoba nangeviki eledlule kuke kwaba nemibiko yokubulawa kwenye yezinduna zesizwe sakwaMathonsi eMandeni nayo efe ngokudutshulwa.