Osindisweni, KZN – Kushone amadoda amabili esigamekweni sokudubula ku-Oakford Road, Osindisweni, ngoLwesine ebusuku.
Amalungu eReaction Unit South Africa (RUSA) aphendule lesi sigameko ngezithuba zabo-20:23 ngemuva kokubikelwa izakhamuzi. Bathe befika bajoyinwa amaphoyisa aseVerulam SAPS.
Imoto yohlobo LweRenault Triber itholwe endaweni yesigameko. Isidumbu somshayeli sitholakale sidindilizile emotweni, kanti isisulu sesibili sitholakala otshanini eduze komgwaqo. Womabili la madoda abenamanxeba okudutshulwa.
Kutholakale izinhlamvu ze-9mm ngaphakathi emotweni. Iziphathimandla ziphenya izimo ngesigameko sokudubula.
Akekho osaboshiwe, amaphoyisa acela umphakathi nganoma yiluphi ulwazi olungasiza ophenyweni lwawo.