Uvalwe okwesikhashana umgwaqo u-M19 ePinetown ukuze indiza enophephela emhlane yezokwelapha ihlale ukuze iphuthumise isiguli esilimele kanzima esibhedlela. Abezimo eziphuthumayo balaphe owesilisa owayelimale engozini yemoto eyodwa ngaphansi kweBhuloho i-Otto Volek ngoLwesithathu ekuseni.
Imoto yakhe kuthiwa igingqike kaningi ngaphambi kokuthi ifike iphumule phezu kwensika kakhonkolo.
UGarrith Jamieson ungumkhulumeli we-ALS Paramedics, futhi uthi iqembu belimphatha.
“Umuntu oyedwa uthole ukulimala kanzima kanti abezimo eziphuthumayo be-ALS bamsimamisile kanti nendiza enophephela emhlane iRed Cross ibizwe ukuthi izolekelela ukuthutha ngokushesha isiguli esibucayi.”