NELSPRUIT – Amaphoyisa abophe amadoda amabili, aneminyaka engu-31 no-39 ubudala, ngeSonto, 19 January 2025, emgwaqeni u-R38 eLow’s Creek. Babanjwe nensangu elinganiselwa ku-R2.4 million.
Laba baboshwe ngesikhathi kuqhubeka i-Operation Vala Umgodi eMpumalanga. Amaphoyisa ophiko lweProactive and Combat Team amise iveni emhlophe yohlobo lweHyundai ngesikhathi ehlola. Ngesikhathi bepequlula imoto bathole izikhwama ezingu-15 zigcwele insangu enesisindo esingamakhilogremu angu-644.14.
Uphenyo luveze ukuthi abasolwa bebesuka eLouville ngaseLow’s Creek kanti bebesendleleni ebheke eMatsulu ngesikhathi amaphoyisa ebabamba.
Abasolwa bazovela eNkantolo yeMantshi yaseBarberton ngoLwesibili, zingama-21 kuJanuwari 2025, ngamacala okutholakala nensangu.