Abaseshi bophiko lweProvincial Serious and Violent Crimes babophe abasolwa ababili ngecala lokubulala uthisha (46) wasePhikiswayo Primary School, eNtuzuma. Uthisha wadutshulwa kabuhlungu emagcekeni esikole ekuseni zingama-29 kuJulayi 2024.
Imibiko ithi owesilisa wangene esikoleni, wacela ukubona uthisha, wabe esemdubula amahlandla amaningi kubuka wonke umuntu ngaphambi kokuba abaleke. Washonela endaweni yesigameko. Amaphoyisa akholwa wukuthi kungenzeka ukuthi lothisha wadutshulwa ngoba ubengufakazi ecaleni elithinta isiboshwa sasejele laseWestville. Uphenyo luthathwe wuphiko lwamacala abucayi nodlame.
Ngomhla zingama-24 kuMfumfu, amaphoyisa abophe abasolwa ababili ngaloludaba, okuyilowo osolakala ngokudubula kanye nosolakala ngokumsiza. Ngosuku olulandelayo, amaphoyisa athole isibhamu nejakhethi okukholakala ukuthi kwasetshenziswa ukubulala. Isibhamu kubikwa ukuthi sebiwa esigamekweni sokubanjwa inkunzi ngo-2023.
Abasolwa, abaneminyaka engu-36 no-41, bazovela eNkantolo yeMantshi yaseNtuzuma ngo-Okthoba 28 ngamacala okubulala. Isiboshwa esimataniswa naleli cala okucatshangwa ukuthi singungqondongqondo naso sizobhekana namacala enkantolo maduze.