Uphenyo luyaqhubeka ukuze kutholwe umthombo wokuthuthwa kwezidakamizwa zika-R15 million echwebeni laseRichards Bay. Amaphoyisa agasele kulelichweba enyakatho neKZN ngemuva kokulunywa indlebe.
OKlebe bathi ngemuva kokuthola imininingwane kwabe sekusungulwa umkhankaso, obuhlanganisa amaphoyisa, izikhulu zophiko lweCustoms ophikweni lweSouth African Revenue Service, amanxusa aseMelika kanjalo nezokuphepha ezizimele.
Bathole umkhumbi okukholakala ukuthi ubusuka eColombia.
Kutholwe icocaine eyenziwe yayizitini phakathi kwensimbi ebithwelwe yilomkhumbi.
OKlebe bathi akukaboshwa muntu okwamanje.