Linyukile izinga lomjaho wokuhlonipha ingqalabutho uMntwana waKwaPhindangene ongasekho njengoba kungokokuqala ukuba iPrince Mangosuthu Ultra Marathon igijinywe engasekho.
Namuhlanje lomjaho usuka endaweni yase Dundee uya eNquthu kulindeke abagijimi abangaphezulu kuka-2000.
UMhlonishwa Meya wesiFunda uMzinyathi u-Ald Ngubane uthe umjaho iPrince Mangosuthu Ultra Marathon ngaphezu kokuba ivundulula amakhono entsheni kwezokusubatha kodwa iphinde ithuthukise umnotho.
UMeya uthi osomabhizinisi bezindawo zokulala, osomatekisi, abathengisayo bazohlomula kakhulu njengoba kungcwele abantu bedinga ukulala, ezokuthutha, ukudla nokuzijabulisa.
Intsha engaphezulu kuka-200 izakwazi ukubeka isinkwa etafuleni njengoba ibilekelela emalungiselelweni alomjaho selokhu kuqale isonto.
Lomjaho uhanjelwe nangabasubathi basemazweni angaphandle.