Iyaphubeka impi ye midlalo ye Nomgwenya league edlalelwa lapha ezinkundleni azahlukene zaso Othukela namaphethelo.
Kulempelasonto amehlo ayobe ethe njo kulezi nkunzi ezimbili ezibambene ngezihluthu lapha phezulu kwi Log njengoba kungekho efuna ukugoba uphondo phakathi kwe Young Elephant Kanye ne Junior eleven. Nakuba bengenke bebhekana bobabili kulempelasonto kodwa ubani nobani lapho eyobe edlala khona uyobe ebheke ngeso elilodwa ukuthi kwenzakaleni kwamakhelwane njengoba beyobe bedlalela ezinkundleni ezahlukene.
Junior XI yona iyovakashela Real
Magic e (AG MAGUBANE) bese kuthi Umkhanyakude wona wamukele Young Elephant( Bergville Sport Complex).
Selokhu uqalile lonyaka iqembu lama Elephant lishaya kwasani okuphambi kwalo njengoba emdlalweni eyi 6 abayidlalile bekwazile ukuthi benqobe emi 5 badlala ngokulingana owodwa bewu dlala nazo izimbangi zabo okuyi Junior eleven. Amagoli bayawahlohla njengoba sebeshaye 23 bangenelwa 3 nje kuphela, kanti mawubheka uhlangothi lwe Junior XI lona imidlalo yabo eyi 6 yakulonyaka Ayiqalanga kahle kodwa izofuna ukusebenzisa umgqigqo wabo wakamuva njengoba emdlalweni yabo emithathu yokugcina bekwazile ukunqoba yonke leyomdlalo. Ngokwamagoli bona ababahle kahle njengozakwabo abawaqhulula sengathi bona nje basashaye 9 base bangenelwa ama 3 nje kuphela. Lezinkunzi zombili sezidlale imidlalo 16 zinamaphuzu angu 41.
Seyiyonke imidlalo imi kanje
Tsameni Academy Vs Rookdale (AG MAGUBANE STADIUM)
Real Magic Vs Junior IX (AG MAGUBANE)
Dubai Vs Uthukela Wanders (Bergville Sport Complex)
Qhakaza Vs Natal Witness (AG MAGUBANE )
Barcelona Vs Mnambhithi (Kandahar)
Mkhanyakude Vs Young Elephant (Bergville Sport complex)
Royal Tigers Vs Ladysmith Juventus (AG MAGUBANE )
Piters Fast XI Vs Lacosta.
Uzokhumbula ukuthi lana munye umuntu odingakalayo number 1 kuphele ozibeka ethubeni lokuthi ayodlala kweyo Motsepe league njengoba kuyomele ukuthi kudlalwe ama play Off ngaphambi kokuba ababili abayophumelela bendlulele esigabeni esilandelayo.
Namuhla elakuleli Emnambhithi iqembu elaziwa ngokuthi yi Drankensburg liyovakashela Umkhambathi e Hilton Colleage ngo 15:00 kuyo impi ye Motsepe LEAGUE