Iqembu loMkhonto Wesizwe eMtshezi lihlinzeke abafundi bakamatikuletsheni ngamanzi ahlanzekile njengoba bechitha isikhathi esiningi besesikoleni njengoba bezilungiselela ukubhala izifundo ezehlukahlukene.
Leliqembi, lithi libone isimo esingesihle kwesinye sezikole eziselokishini laseWembezi iWembezi High School base benquma ukungenelela. Ngokusho kwelunga laleli qembu elikhulume naleliphephandaba lithe banqume ukungenelela ngoba kunabantwana abahlala ngaphakathi esikoleni njengoba kubhalwa izivivinyo zikamatikuletsheni nje.
“Kunesimo sokuthi isikole sanqanyulelwa amanzi uMaspala uThukela ngenxa yezinkinga ezithinta i-account yesikole, njengeqembu le-MK sibone kuncono singenelele ngokuthi okungenani sibalethele abantwana amanzi,” kuchaza uMncedisi Makuyi we-MK.
uMakuyi uqhube wathi babuye bazinikela ukuhlinzeka ngabaqaphi abazoqapha lezi zingane njengoba zifunda ebusuku nje ukuze ziphephe,”Izingane ihlala ngaphakathi esikoleni, okungadala ukuthi izigilamkhuba ithole ithuba lokuganga, yingakho sinqume ukuhlinzeka ngabaqaphi abazobaqapha ebusuku,” kuqhuba yena uMakuyi.
Leliqembu liphinde laxoxa nesikole mayelana nelambu eliseduze kwesikole elingasakhanyi. Kucelwe uthishanhloko ukuthi lilungiswe, kanti nomaspala nawo wethembisile ukuthi leli lambo lizolungiswa ukuze kuqiniswe ezokuphepha.