Amaphoyisa aseNigel abophe ibhungu elineminyaka engu 21 ngolwesithathu ngecala lokubulala unina ongalizali ngomklinya.
U-Anna Tshabalala oneminyaka engamashumi amahlanu ubulawe ngolwesithathu ebulawa yindodana yomyeni wakhe eNigel, Ekurhuleni eGoli.
UBaba wale nsizwa okungu Mnu Perma Roos, uthi bese siside isikhathi indodana Isola iphinde isongela umkakhe ngobuthakathi.
Eqhuba uthe izinkinga ezinkulu ziqale ngesikhathi beshada ngonyaka owedlule.
Ngesinto eledlule babe sebeyazisa ukuthi sebezohamba beyohlala kwenye indlu yomxhaso yona bazoyishiya ngemuva, kusolakala ukuthi azehlanga kahle lezondaba kundodana wabe esebulala uMaTshabalala maqede wazinikela emaphoyiseni.
Okhulumela amaphoyisa Ekurhuleni ukabuteni Nelda Sekgobela usiqinisekisile isigameko somlisa azinikele emaphoyiseni emuva kokubulala eNigel. Amaphoyisa abe eseya endaweni yesigameko nebala awufica umzimba walo wesifazane.
Lelibhungu kulindeleke livele enkantolo kamantshi eNigel maduzane.