Kusuke umsindo ezinkundleni zokuxhumana ngemuva kokuvela kwesithombe somlingisi wodumo kumabonakude, uThembinkosi Mthembu, emi nowesifazane egqoke okuhambisanayo. Aqala ukusabalala amahlebezi, abaningi becabanga ukuthi kungenzeka ukuthi ushadile. Abanye babekholelwa ukuthi lesi sithombe sasivela emcimbini womshado wesintu. Yize lingadalulwanga igama lalona wesifazane kodwa abanye baqagula ukuthi kungenzeka ukuthi usenesikhathi eside ethandana naye, okungenzeka ukuthi wayefunda naye esikoleni.
Abalandeli bakaThembinkosi besifazane bebephatheke kabi emoyeni, abaningi bezwakalisa ukukuthakasela kanti abanye bebehalalisela lezi zithandani. Abanye bebeze bethi unkosikazi wakhe omusha, omunye uthi, “Halala Mvelase nomakoti wakho omusha.” Nokho abanye abalandeli babuze ukuthi angashada kanjani bengazi, bezwakalisa ukudabuka kwabo ngalezi zindaba.
Kuphinde kwavela i-video lapho uThembinkosi ebuzwa khona ngokuxolisa kubalandeli bakhe besifazane, waphendula ngokubuza ukuthi yini okufanele axolise ngayo, wathi ubevakashele kubo kamngani wakhe.
Yize bekunesasasa kodwa kube nemibono ehlukene, abanye begxeka ukubukeka kwale ntokazi bethi akekho ezingeni likaThembinkosi. Nokho abanye bamvikela beveza ukuthi nguyena owathola indandatho.
UThembinkosi ungumlingisi othandwayo owaziwa ngendawo ayidlalayo emidlalweni efana nethi The River njengoMabutho kanye uShaka Ilembe njengenkosi, udunyiswa ngekhono lakhe.
Ay abaphatheke kabi baxole bandl uThembinkosi uneMpilo yakhe ekugcineni kumeele ukhule uMuzi wakubo.