Omakhenikha abasebenzela e Renke yama tekisi e Illing Road bafisa ukuba nomhlangano nomeya kamaspala wase Alfred Duma Umnuz Zama Sibisi.
Labomakhenikha bakhala ngokuvaleleka ngaphandle ohlelweni lokwakhiwa kwezindlu zosomabhizinisi abancane abasebenzela eMnambithi.
Bathi sebeneminyaka engaphezulu kwemihlanu babhalisa kwamaspala ukuthi nabo bathole ukulekeleleka ngoba uma kunetha imvula bona abakwazi ukusebenza ngenxa yokuthi basebenzela phandle futhi nezindawo abaziqashile zibiza kakhulu.
Omakhenikha abangaphezu kweshumi bathi bayafisa ukuba nomhlangano no meya ukuze babeke izikhalo zabo.
Kanti ihhovisi lika meya kamaspala wese Alfred Duma lithe umeya uvumile ukuhlangana nomakhenikha ngesonto elizayo.
Kanti lithi umeya uthi uyakuzwa abakushoyo ngakho kumele kube nalomhlangano ngesonto elizayo ukuze bazoxoxa kahle.