Azikakholwa namanje izakhumizi zaseMnambithi ezizicwilela kwezikaFaro ngemuva kokuba kugingqike iloli ebelilayishe utshwala bangathola ngisho idampi leli lobhiya.
Izolo kugingqike iloli elithwala utshwala emgwaqeni ku N11 maduzane nasendaweni okuthiwa yiLimit Hill khona eMnambithi. Akwaziwa namanje ukuthi yini edale lengozi kodwa kusolakala ukuthi umshayeli walo uye wahluleka ukulilawula lase liphenduka kanjalo ke kwachitheka indathane yamakesi kabhiya ebiwathwele.
Abazifikele mathupha endaweni yesigameko bathi utshwala bebuthe chithi saka umgwaqo wonke. Kodwa futhi abakunake kakhulu wukushesha kokufika kwamaphoyisa abehlome eyizingovolo.
Izakhamizi eziningi ziphawule ngale ngozi ezinkundleni zokuxhumana zithi ukuba bezithole ithuba elanale nje lokutapa bebezokuba namaholidi amnandi kakhulu kanti abanye bafisa ngabe beyiwele eduze nasemakubo le loli.