Umsakazo womphakathi ozinze eMnambithi iNqubekofm ibambe inkonzo yokuvula unyaka namuhla ehholo lomphakathi enkabeni yedolobha.
Abazalwane bamabandla ahlukene aqhamuka ezindaweni zaseMnambithi bagqoke amajoyini bazodumisa ndawonye,lomkhuleko bawenza njalo uma kuqala unyaka lapho besuke bekhulekela izimo ezahlukahlukene baphinde bacele unyaka omuhle enkosini.
Lenkonzo ibihanjelwe yisayoni sabantu uSphumelele Mbambo wodumo lwezingoma zamazayoni kwi Joyous Celebration odumise kwezwakala umoyingcwele ugcwala ngaphakathi ehholo akagcinanga lapho ube esepha amakholwa ukudla komphefumulo.
Umphathi womsakazo uNksz Nonhlanhla Ndlovu ubonge bonke abazalwane kanye nabalaleli bomsakazo ngokusekela lomsakazo.