Umengameli weqembu le Economic Freedom Fighters uMnumzane uJulius Malema uthi akusekho mali ezomoshwa yizikhulu ze-ANC ngokudizela izintokazi ezithanda izinto ezaziwa ngama,”Slay Queen”.
UMalema usho kanje esithangamini sabezindaba namuhla emvakokucaca ukuthi imiphumela izoma kanjani. i-EFF ilale isine ngamaphesenti angu- 9 ilandela iqembu uMkhonto Wesizwe omanganze abaningi ngokulala isithathu ngamaphesenti angu – 15.
“Esethu isifiso sifezekile, ngake ngasho ukuthi ngifuna ukubona i-ANC yehla ize ibe ngaphansi kwamaphesenti agu-50, nakhu kwenzekile. Abantu abangqambi amanga bethi sekhulekile, abantu abehluliwe kulolukhetho yi-ANC, yiyona ephuthelwe ukuphatha izwe, yaphinde yaphucwa isifundazwe sakwaZulu Natali.”
“i-ANC siyephuce isikhwama semali, akusekho ukudlisa ngemali manje. AmaSlay Queen awasezukuthola ngisho isenti leli,” kuchaza UMalema.
Umalema ubuye wathi bavule izandla kuwo wonke umuntu ofisa ukubambisana nabo kuhulumeni, yinqobo nje uma zohambisana nemigomo ye-EFF.