Kudlule emhlabeni umfanyana oneminyaka engu 13 wase Glencoe emva kokushawa wumbani izolo ntambama.
Lezi zindaba ziqinisekiswe namhlanje ekuseni amalungu eqembu lezokuphepha eGlencoe elisebenza ngokuzikhandla ukusiza labo abacekelwe phansi imizi nempahla yabo.
UNathan Foster ubefunda iBanga lesi-6 eDundee Junior School edolobheni eDandi nokuyidolobha elingumakhelwane weGlencoe.
Kanti umphakathi wase lokishini eSithembile khona eGlencoe awusalanga ngaphandle nawo kulesi siphepho njengoba namanje usazama ukuhlola ukuthi umonakalo owenzekile ungakanani. Kubikwa ukuthi izikole nemizi kulelilokisho ziphephukile, kanti nemfuyo eningi isadukile.
Iziphathimandla zikamaspala wese Ndumeni local Municipality zithi zisematasa zisabheka umonakala ngoba ziningi kakhulu izindawo ezithintekile kulendawo.
Zithembise iphephandaba uThukela News Times ukuthi uma kukhona imininingwane ethe xaxa, zizokwazisa umphakathi ngokusha okuvelayo.