USbongile Petunia Sibisi (47) kanye nendodana yakhe angayizali, uNdumiso Romeo Mabona (23), bavele eNkantolo yeMantshi yase-Amersfoort ngomhlaka-17 Juni 2025. Babhekene necala lokubulala umyeni kaSbongile, uSydwell Sibisi, 61.
Lesi sigameko senzeka ngomhla zingama-31 kuMasingana wezi-2025. UMnu. Sibisi nelinye ilungu lomndeni babehamba phakathi kweVolksrust neDaggakraal ngesikhathi imoto yabo iphantsha isondo. Bathi besamile kuqhamuke imoto emhlophe yohlobo lweToyota Fortuner yama phambi kwabo. Kwehla abantu ababili emotweni. Babophe ilunga lomndeni ngozankosi base behlasela uMnu Sibisi ngembazo nopanga. Abahlaseli bashiye izikhali endaweni yesigameko.
Amaphoyisa avule icala lokubulala aqala uphenyo ngokushesha. Ithimba elikhethekile lasebenza kanzima kuleli cala futhi lathola ulwazi olushaqisayo. Kukholakala ukuthi ukubulawa kwalaba kuhlobene nenkohlakalo yomshwalense kanye nokweba. Abaphenyi bacabanga ukuthi umsolwa kungenzeka ukuthi wasebenzisa igama likaMnu. Sibisi emkhonyozweni womshwalense futhi wahlomula ngokwezimali ngokushona kwakhe.
Icala lihlehliselwe umhlaka-18 Juni 2025 ukuze abasolwa bathole ummeli wosizo lwezomthetho.