Umnyango wezemfundo kwaZulu-Natal usukhiphe isitatimende uchitha izinsolo ezibhekiswe esikoleni samabanga aphansi esiseMnambithi eZakheni iFalethu Primary.
Umzali womfundi uzwakalise ukungagculiseki ngesimo asithole kulesi sikole wabe esebhala enkundleni yokuxhumana ufacebook ekhala ngokuncola okukhulu” Inhliziyo yami ibikhala igazi isimo sezitsha ezidlela kuzo izingane zethu ziyashaqisa” uphinde wathi “bese kuba yiloludaba lokuthi abantwana bahlanze ama class kanti kuzophela nini kwezethu izikole”.
UNgqongqoshe wezemfundo kulesifundazwe uNkkz Mbali Frazer uthi lezinsolo azilona iqiniso, ngokombiko ohambisana nobufakazi abawuthole emnyangweni wezemfundo OThukela uveza ukuthi akukho okungahambi kahle kulesiya sikole kubalwa isimo sesikole kanye nohlelo lokuphakelwa kwabantwana.
Umnyango ube usucela kumphakathi, abazali kanye nabantwana ukuba bapheze ukufafaza imibiko angelona iqiniso ukuze kufezeke izinhloso zabo.