Izikhulu zamaphoyisa eKZN zibambisene nenhlangano yamatekisi ukuthola isixazululo esitelekeni samatekisi amabanga amade esiqhubekayo. Amalungu eDurban Long Distance Taxi Association abhikishe emizileni engaphakathi neseduze nedolobha, ekuqaleni kwaleli sonto.
Abaneme ngokukhishwa kwezimvume nguMnyango wezokuThutha.
Okhulumela uNgqongqoshe uNdabezinhle Sibiya uthi uNdunankulu uThami Ntuli kanye noNgqongqoshe uSiboniso Duma bazohlangana nababandakanyeka kulendaba eCity Hall eMgungundlovu ngoLwesine.
Uthi, phakathi kokunye, bakhathazekile ngomthelela wezomnotho wale mibhikisho yezivimbamgwaqo.
“Kuzoba nomhlangano nosomatekisi abacele ukuthi uMnyango ungenelele, bathumele izaziso kuNgqongqoshe bemcela ukuthi avikele amabhizinisi abo, bakhombisa ukuthi bangosomabhizinisi abaqotho abafuna ukwenza ibhizinisi ngokuhambisana nemithetho yezwe.”