Bakhathazekile osomabhizinisi basedolobheni uMtshezi ngenxa yokungabi bikho kwamanzi kuleli dolobha kanye nezinye izindawo ezisondelene nalo.
labo somabhizinisi bathi inkinga yamanzi iqale ngeviki eledlule emva kokuthi kuqhume elinye lamapayipi amakhulu athutha amanzi kulelidolobha. Izitolo ezihlanganisa nesitolo esithengisa inkukhu ethosiwe uKFC kudingeke ukuthi sivalwe ngenxa yakho ukungabi namanzi.
Okukhathaza kakhulu osomabhizinisi ukuphazamiseka kakhulu kwendawo eyidolobha ngoba kulapho umnotho wedolobha uzinze khona, futhi loku uma kuqhubeka isikhathi eside kukhona amabhizinisi angagcina esevalwe thaqa.
Akwaziwa ukuthi lenkinga yamanzi kuleli dolobha izophela nini njengoba nesiteleka sabasebenzi bakamaspala UThukela okuyiwona ohlinzeka leli dolobha ngamanzi besesitelekeni bakhala ngodaba oluthinta amaholo.