UMengameli Cyril Ramaphsoa uthi zingaphezu kuka-1 000 izitolo ze-spaza kanye nezindawo zokugcina izimpahla selokhu ahlaba ikhwelo lokuthi lo mkhakha ulawulwe emasontweni amabili edlule.
URamaphosa utshele uMkhandlu Kazwelonke Wezifundazwe (NCOP) ngoLwesine ukuthi iziphathimandla zigasele izinkulungwane zezitolo ze-spaza njengoba uhulumeni eqhubeka nomkhankaso wakhe ezweni lonke kulandela ukushona kwezingane eziningi ezidle ukudla okunegciwane okuthengwa ezipaza ezweni lonke.
OLUNYE UDABA: Umkhankaso kahulumeni wokubhalisa nokwenza ukuthi izipaza zisebenze ngokusemthethweni, kusho uRamaphosa
URamaphosa ubethula inkulumo yakhe yaminyaka yonke ku-NCOP ngoLwesine, lapho ebetshela khona izithunywa ngezinto ezithinta izwe.
“Zibalelwa ku-200 000 ama-spaza shops asevakashelwe. Zingaphezu kuka-1 000 izitolo ze-spaza, izitolo ezinkulu kanye nezindawo zokugcina izimpahla okudingeke ukuthi zivalwe.”
Uthe baphinde bashaqa inqwaba yezimpahla.
“Izimpahla eziningi zishaqwe futhi kukhokhiswe izinhlawulo eziningi ngenxa yokwephulwa kwemithetho kamasipala.”