Owayengumphathi wamabhuku kuMasipala waseMkhanyakude uzochitha iminyaka eyisikhombisa ebhadla ejele ngamacala okukhwabanisa okungaphezu kuka-R6 million. INkantolo Yamacala Ezohwebo yaseThekwini igwebe uLindiwe Ngomane ngamacala awenza ngo-2006.
Okhulumela i-NPA eKZN uNatasha Kara uthe uNgomane wenza umkhonyovu ngokusebenzisa ama-password ezikhulu eziphezulu, ezazigunyazwe ukugunyaza ukukhokhela abantu egameni likamasipala.
“Ube esesebenzisa lezi zincwadi ukuze akhiphe imali elinganiselwa ku-R6.2 million e-akhawuntini kamasipala ayifake kuma-akhawunti ahlukene abewafake ohlelweni oluthile lukamaspala. UNgomane ugwetshwe iminyaka engu-10, emithathu yalengisiwe iminyaka emihlanu. “
Abasebenzisana naye, uNhlanhla Gumede noRaphael Mbili bagwetshwe iminyaka eyisithupha kanye nemithathu bebhadla ejele.