usathuthumela namanje umphakathi wasendaweni yasePotshini eBergville emva kokugwazwa kubulawe umfundi webanga leshumi nanye.
Lomfundi obefunda esikoleni iPotshini High School khona endaweni, kuthiwa ugwazwe ngomunye wabafana okungacaci noma naye ubefunda khona yini esikoleni. Lesi sigameko kuthiwa senzeke ntambama ngezithuba zehora lesithathu esitolo esibude buduze nesikole lomfundi esanda kuphuma esikoleni. Umgilwa kuthiwa uke wahilizisana nomsolwa ekuqaleni kwaleliviki kubangwa intombazane ethile nokusolakala ukuthi ingxabano iqale lapho njengoba umgilwa esegwazwa ngoLwesine ntambama nje.
Uthishomkhulu wasePotshini High uMnumzane Madonsela usiqinisekisile lesi sigameko wathi uzamile ukuphuthumisa ulomfundi esibhedlela eMawosi kodwa ufike esephangalele.
Akwaziwa noma ukhona yini oseboshiwe ngalesi sigameko, kodwa amaphoyisa abikelwe.