Amaphoyisa athole izibhamu ezimbili zohlobo lwe-AK47 ngesikhathi ebamba abasolwa ngaseGreytown, eMidlands.
Ithimba leSAPS National Deployment Team litheleke eMsinga ngoLwesihlanu ekuseni.
Okhulumela iKZN uSiyabonga Nkwanyana uthe abasolwa baboshwe ngesikhathi amaphoyisa ethungatha izibhamu ezingekho emthethweni.
“NgoLwesihlanu mhla zingama-23 kuNcwaba wezi-2024 ezintatha, kwaqhutshwa umkhankaso wobunhloli kuthungathwa izibhamu ezingekho emthethweni nalapho kuhlonzwe khona abantu abathathu ababehlosiwe kwabe sekuboshwa abasolwa abathathu abatholakala nezibhamu ezimbili zohlobo lwe-AK47 nezinhlamvu. isibhamu esisodwa esingu-.303 nesibhamu esisodwa esinezinhlamvu.
“Bonke abasolwa ababoshiwe bazovela eNkantolo yeMantshi yaseMsinga maduze.”