Akasekho emhlabeni uWilliam Smith obengomunye wothisha abebethandwa kakhulu ngokufundisa iMaths kanye ne Science.
USmith udlule emva kwesikhathi eside elwa nesifo somdlavuza ekhaya elisePerth eAustralia ngokusho kwendodakazi yakhe uJessica Smith.
Udlule emhlabeni eneminyaka engu85.
Uzokhumbuleka ngezifundo zakhe ebezitholakala kumabonakude lapho bechazela khona abafundi ngezifundo zezibalo kanye nezesayensi.
Wayethula izinhlelo kuSABC TV ngeminyaka yama 90s ikakhulukazi uba sekusondele izivivinyo ukulungeselela abafundi ukubhala.
Wafunda eUnion High School eEastern Cape. Wenza iziqu zakhe zeBachelor of Science degree in Physics and Chemistry eNyvesi iRhodes waqhubeka wathola ihonors degree in Chemistry khona eRhodes.
Wabe eseyokwenza imaster’s degree eNyuvesi yaKwaZulu-Natal nayiqeda ngezinyanga nje ezisikhombisa.
Ngonyaka ka 2019 wahloniswa nguMengameli ngendondo ye Baobab ( National order) ukumhlonipha ngeqhaza alibambile kwezobuthishela kulelizwe.