Amaphoyisa aphume umkhankaso wokuthungatha abasolwa esigamekweni sokudubulana lapho kulimala khona abantu abane okuhlanganisa nabanikazi bamatekisi ababili eMidrand, eGoli, izolo.
Kuphinde kwalimala ababili abebebukele ngemuva kokudubuleka ngephutha.
Abasolwa bebehamba ngeveni iToyota Hilux. Umsolwa oyedwa uboshiwe kanti uzovela enkantolo maduze.
Okhulumela amaphoyisa uMavela Masondo uthi kuvulwe icala lokuzama ukubulala.
“Kubikwa ukuthi abanikazi bamatekisi bebephuma emhlanganweni bephelezelwa onogada ngesikhathi izimoto zabo ezimbili zidutshulwa ngabasolwa. Kube nokudubulana phakathi kwabasolwa namaphoyisa abephelezela abanikazi bamatekisi.”