Iphoyisa ebelishayela imoto yamaphoyisa nokusolakala ukuthi lishayise umuntu wesifazane labaleka ku-Phoenix Highway khona e-Phoenix ngaphandle kancane kwasedolobheni eThekwini ngoLwesihlanu olwedlule kuthiwa selizibulele.
Leliphoyisa lalihamba ngemoto yamaphoyisa yohlobo lweToyota Fortuner kubikwa ukuthi lashayisa uPhumla Mtshali (26) maqede lashaya utshani kwasala inumber plate enkundleni maqede lazama ukuthuma umuntu ukuba eyoyilanda kanti sekukhona abayithole kuqala.
Kubikwa ukuthi imoto layithatha layoyishiya ezimobeni eCanelands maqede layovula icala emaphoyiseni ase Phoenix.
Leliphoyisa elingadalulwanga kuthiwa lifonele amalungu omndeni ambalwa ngaphambi kokuba lizibulale ehhotela eliseMhlanga namuhla ekuseni.