Uyaqhubeka umsebenzi wokuthungatha ababulali besishoshovu se-EFF uMawethu Mathe eKZN. Okhulumela amaphoyisa e-SAPS esifundazweni uRobert Netshiunda uthi umsolwa, 45, udutshulwe esemzini wakhe eNteke, entshonalanga yeTheku ngoLwesine.
Udutshulwe ekhanda.
“Abasolwa abaziwa okwamanje kanti imbangela yokubulawa kwakhe ibingakaziwa,” kusho uNetshiunda.
I-Economic Freedom Fighters KwaZulu-Natal isinxuse ukuthi kube nobulungiswa ngokushesha kubenzi bobubi.
Khonamanjalo i-ANC isigxekile ukubulawa kwabantu abayisishiyagalombili endaweni yokucima ukoma esifundazweni saseNorth West.
Amaphoyisa athi abesifazane ababili namadoda ayisithupha badutshulwe babulawa abasolwa abahlanu endaweni eseduze kwaseKlerksdorp izolo. Kwalimala abantu abambalwa.