Owayengumpetha womhlaba wesibhakela amahlandla amathathu, uDingaan Thobela, ukhunjulwa njengophawu lwezemidlalo nophawu lobumbano enkonzweni yesikhumbuzo sakhe.
URose of Soweto, okuyigama abedume ngalo, utholwe eshonile endlini yakhe eMayfair, eGoli ngoMsombuluko odlule.
Abangane nomndeni babuthane e-Hill on Empire eParktown ngoLwesibili ntambama enkonzweni yesikhumbuzo sakhe.
Izikhulu zesibhakela zaseNingizimu Afrika zihlanganyele nabangani kanye nomndeni kaThobela ukukhumbula iRose of Soweto nokubungaza impilo yakhe.
Ompetha bomhlaba uBrian Mitchell noCassius Baloyi bebengabanye abebezohlonipha uThobela, oshone eneminyaka engu-57, ngemuva kokuxinwa wukugula.