Umsolwa oneminyaka engu-38 ubudala uzovela enkantolo maduze ngemuva kokuboshelwa ukushushumbisa insangu ngokungekho emthethweni. Ukuboshwa kwenzeke ngemuva kokulunywa indlebe kwamaphoyisa ngoLwesine, 10 October 2024, ngabo-16:00.
Lolu lwazi lubikele amaphoyisa ngemoto yohlobo lweToyota Hilux esiliva ethwala insangu isuka eMasibekela ilibhekise Kaqhekeza. Imoto ibonakale eMangweni Trust, amaphoyisa azama ukuyimisa ngokushesha. Nokho, umshayeli akazange ame, okwabangela ukuthi amaphoyisa ayijahe imoto kamsolwa.
Ukujahana kugcine ngokuthi umsolwa azinikele emaphoyiseni. Ngesikhathi amaphoyisa esesha imoto, athole izikhwama ezingu-20 ezinensangu elinganiselwa ku-200.7 kilograms, elinganiselwa ku-R500 000. Kukholakala ukuthi insangu bekuhloswe ngayo ukuthi ilethwe esifundazweni saseNorth West.
Umsolwa ubhekene necala lokushushumbisa insangu, kanti imoto etholwe ngekayise kamsolwa isithathiwe ukuze kuqhutshekwe nophenyo.
Ibamba likaKhomishana wamaPhoyisa eMpumalanga, uMajor General (Dkt) Zeph Mkhwanazi, lincome isenzo esisheshayo samaphoyisa kanye neqhaza lomphakathi ekulweni nokushushumbiswa kwezidakamizwa.