ISuperSport United ithole inkakha yomdlali wasesiswini uVincent Pule ngemuva kokuphuma ku-Orlando Pirates.
UPule, 32, uphothule ukuhlolwa kodokotela naleli qembu ngeledlule njengoba kubikwe okokuqala ngabe-SABC Sport, ngemuva nje kokufinyelela esivumelwaneni sokuhlukana nePirates.
Njengoba enqamule inkontileka yakhe esasele neminyaka emibili enkontilekeni yakhe emzamweni yokuthola ijezi, abezindaba bazisiwe ukuthi isivumelwano sesiphothuliwe ngokusemthethweni.
UPule uzobe eyingxenye yeqembu elizoya eBotswana ngaphambi kokwethulwa ngokusemthethweni naMatsatsansa.
Umqeqeshi weSuperSport, uGavin Hunt, uke wasebenza nalo mdlali ngesikhathi bekwiBidvest Wits engasekho – lapho benqobe khona iligi neTelkom Knockout.
Eminyakeni eyisithupha akuPirates, washaya amagoli angu-24 emidlalweni engu-146 kuyo yonke imiqhudelwano.