Intokazi engumlingisi edabuka eMnambithi isithole ukugxekwa ezinkundleni zokuxhumana ngendlela ephathe ngayo abanye abalingisi ebebehambele inhlolokhono ebihlelwe yinkampani eyisebenzelayo.
Inkampani ekhiqiza amafilimu kuleli iBlack Brain Pictures inomkhankaso wokuhambela amadolobha ehlukahlukene kuleli ithungatha abalingisi abasha engasebenza nabo. Lenkampani ephethwe ngumlingisi nomqondisi uMandla N, ihambele edolobheni laseNewcastle ngomgqibelo, yaphinde yaba seThekwini ngesonto.
Iningi labantu abebehambele lenhlolokhono libuye lingawuvali umlomo ngempatho engeyinhle abayithole kubasebenzi balenkampani abebelekela ekwenziwe kwalenhlokhono. Okuqapheleke kakhulu ukuthi labantu bakhala kakhulu ngomunye umlingisi naye obeyingxenye yethimba ebelihamba neBlack Brain. Laba balingisi bakhala kakhulu ngikwedelela kukaNompilo Mwelase ongowokudabuka eMnambithi oke wabonakala elingisa kwiSkeem Sam neminye imidlalo.
Abebezibonela ngawabo bathi lentokazi ibingakunikezi nethuba lokuthi uqale ulingise, ibivele izwakale isithi, “thank you, next!” Abanye bathi bamangele bekhishwa bengakawuvuli nokuwuvula umlomo, “kanti besizokwenzani uma singanikezwa ithuba lokulingisa?” kubuza omunye umlingisi ezinkundleni zokuxhumana.
Imizamo yokuthola iBlack Brain ukuthi iphawule ngaloludaba iphunzile, kodwa uNompilo yena uziphendulele komunye obekhononda ngaye kuFacebook. Bheka ngezansi:
