U-Eskom’ usenxuse amakhasimende kagesi wekhadi ukuthi afake amakhodi amasha okuthenga amamitha awo.
Umbuso uxwayise ngokuthi amamitha angakabuyekezwa ngomhla ka-24 November ngeke esakhona ukwamukela amathokheni amasha kakgesi.
Inqubo yokufaka amakhodi kabusha ithinta cishe amamitha akhokhelwa ngaphambili ayizigidi eziyi-6.9 ezindaweni eziphakelwe u-Eskom.
Okhulumela u-Eskom uDaphne Mokwena uthe ngeke kwelulwe umnqamulajuqu wamanje.
“U-Eskom uselungise u-97% wamamitha ngokuwafaka amakhodi kusengaphambili, okwenza kube lula ukuthi amakhasimende azigcwalisele wona.
“Le nqubo yokuzenzela idinga amakhasimende ukuthi athenge amathokheni esikweletu kubathengisi abagunyaziwe, ngemva kwalokho azothola amasethi amabili amakhodi angamadijithi angu-20 ukuze angene kumamitha awo ukuze avuselelwe.”