Umaspala wase Alfred Duma oholwa iMeya IKhansela Zama Sibisi, iKhansela waku Ward 24 u cllr Thembinkosi Ngcobo kanye namakhansela omkhandlu i Alfred Duma bethule ngokusethethweni usonkontileka ozokwakha ibhuloho lase Nkunzi elise sgodini sase Sidlabheleni.
Leli bhuloho elizodla imali elinganiselwa ku R6.3 million, lizokwakhiwa izinyanga ezine kanti umsebenzi utholwe inkampani ebizwa ngeZiphonzuzo Trading Enterprise.
Ukhansela uNgcobo udlulise ukubonga egameni lomphakathi waseNkunzi, uqhube wathi ukwakhiwa kwaleli bhuloho kuzokwenza umehluko omkhulu emphakathini waseNkunzi obuba nenkinga enkulu yokuwela umfula ikakhulukazi uma izulu linile. Ikhansela liphinde labongela abantu abayisishangalumbili abaphuma kulendawo abazoqashwa ukulekelala ukwakhiwa kwalelibhuloho.
Umeya u Zama Sibisi uthi cha yena uzoyigada impela lenkampani ethole umsebenzi eNkunzi ukuthi iyawuqeda yini ngoba yena akafuni into eyindendende engapheli futhi uthanda izinto ezise zingeni eliphezulu nezihloniphekile. Uphinde waveza ukuthi kukhona osomabhizinisi bendawo abazohlomula ngalo msebenzi owenziwa eNkunzi.
Imeya uveze ukuthi leli bhuloho selizokwakhiwa ihlandla lesithathu wathi kona kuyihlazo ukuthi kungenziwa into eyodwa kuze kube kathathu yikho nomphakathi ungasethembi lutho ngoba Kade kwasa ubona. Wacela onjiniyela bomkhandlu, osonkotileka ukuthi bawulalele umphakathi ngaphambi kokuqala ukwakha ibhuloho.