Abakholwa namanje abadlali be qembu I Junior 11 yasendaweni yaseBhafadi enqobe emdlalweni wokuzibekela indawo yamaqembu angu 32 azoqhudelana kowe Nedbank Cup izolo.
I Junior 11 iguqise iqembu lase Mgungundlovu uMkhambathi FC ngama goli amabili kweli lodwa ezinkundleni zemidlalo iKandahar Sport Field eMnambithi izolo emini.
Umqeqeshi weqembu I Junior 11 u Andile Dlamini uthi kuyaqala emlandweni ukuthi kube neqembu lase Mnambithi eyoqhudelana kwindebe yeNedBank. UDlamini ubonke bonke abadlali beqembu ngokubambisane, izikhulu zeqembu, umphakathi wonke wasoThukela ngokubeseka kuze kube la.
uDlamini uthi ufisa sengathi bengaqale badonse neqembu la Keizer Chiefs kuNedbank. Ucele bonke osomabhizinisi basoThukela ukuthi abavule izandla babalekelele kulolu hambo lwabo babaseke.
Leliqembu lizoqhudelana namaqembu adlala esigabeni esiphezulu ebholeni lakuleli iPremier Soccer League.