Lihlehlisiwe icala lowesifazane osolwa ngokwakha itulo lokusoconga ingane yakhe ayizalayo kubangwa amafa.
UNkosikazi Sindisiwe Ngema wasendaweni yasePhayikeni eMnambithi uvele kafushane namuhla enkantolo kaMantshi edolobheni eMnambithi ngecala lokuzama ukubulala uZanokuhle Sibeko nokuyingane yakhe. uNgema, ovele kanye nomlisa ogama lakhe kunguMduduzi Mbhele okuthiwa nguyena owathunywa ukuthelela uZanokuhle ushevu.
Kusolakala ukuthi lona wesifazane waqhasha uMbhele ukuthi adlise uZanokuhle ushevu nokuyinto uMbhele ayenza. Ngokwemibiko, kuthiwa uthuthuva lusuke ngesikhathi umsolwa ezwa ukuthi umama wakhe(okungugogo wesisulu) ongasekho emhlabeni, wabhala wonke amafa akhe egameni likaZanokuhle ekubeni yena wayebheke ukuthi kubhalwe yena njengomudli wamafa.
Kuthiwa uMbhele wahlasela uZanokuhle lapho ahlala khona maqede wamkhomba ngesibhamu maqede wamphoqa ukuthi adle ushevu ngenkani. Nagcina ekwenzile lokho uZanokuhle. Imibiko ithi uZanokuhle waphuthunyiswa esibhedlela emva kwaleso sigameko nokubikwa ukuthi welulama kahle emva kokugcinwa egumbini labagula kakhulu izinsuku ezimbalwa.
Namuhla bevela enkantolo abamangalelwa bethule abameli babo phambi kwenkantolo, icala libe selihlehliselwa umhla ziyi-29 nomhla ziyi kuMfumfu ngokwehlukana nokuyilapho kulindeleke ukuthi abasolwa bacele ibheyili.