Intaka ibekelwe amazolo namhlanje emcimbini omkhulukazi abantu baseMnambithi abawulindele ngamehlo abomvu ohlanganise izingwazi zomculo kuleli.
Lomcimbi ozobanjelwa esikhumulweni sezindiza kulelidolobha ngoMgqibelo mhlaka 9 kuDisemba, kulindeleke ukuthi uhehe izinkumbi zabantu abaqhamuka ezindaweni ezakhele leli dolobha kanye nezingomakhelwane.
Ngokusho kwekhasi lalomcimbi likaFacebook, i-The Social Link Ladysmith umcimbi wokuqala waminyaka yonke ozoba seMnambithi, ohlanganisa ukudla nemisebenzi yezandla, Le festivali ibheke ukulethela umphakathi wakithi nezindawo ezakhelene nayo, ithuba lokuhlangana namaciko ahamba phambili kuleli, unikeze ithuba abantu bakithi, ikakhulukazi intsha, ithuba lokuveza amakhono abo.
Kulomcimbi kulindeleke ukuthi kutheleke izingwazi zomculo kuleli esingabala kuzo uDJ Shimza, Dlala Thukzin, Khuzani, Sun-El Musician, Youg Stunna, Simmy, 2Faced kanye nabanye abaningi.
Amathikithithi ayatholakala eTicket pro iGeneral R200, iVIP R350. Kanti akhona nawomacaphuna kusale asukela kuR8 000 itafula azo ayofika ku R15 000.