Kubizwe abezimo eziphuthumayo emva kokuginqika kwemoto encane kuthelawayeka uN2 maduzane nendawo yaseMhlali entshonalanga nesifundazwe saKwaZulu Natali izintatha zanamuhla.
Abezimo eziphuthumayo bafike endaweni yesigameko bathola ukuthi imoto encane ebithwele abantu abahlanu iginqike yaphenduka izikhathi eziningana ngaphambi kokuthi ilale ishaye amankeyane ibheke phezulu. Abantu abane abebephakathi bathole ukulimala okungatheni, belashelwe endaweni yesigameko. Kanti oyedwa wabo uphuthunyiswe esibhedlela esiseduze emva kokulimala kabana.
Akukaziwa ukuthi yini edale lengozi. Amaphoyisa afike ngokuphazima kweso endaweni yesigameko/