Bangaphezu kuka-90 abantu abashonile ngesikhathi isikebhe ebesiminyene sicwila ogwini olusenyakatho neMozambique, kusho iziphathimandla zendawo ngeSonto.
Isikebhe esiguquliwe sokudoba, esithwele abantu ababalelwa ku-130, singene enkingeni ngesikhathi sizama ukufika esiqhingini esiseduze nesifundazwe saseNampula, kusho izikhulu.
“Ngenxa yokuthi isikebhe besiminyene futhi singakufanele ukuthwala abagibeli sigcine sicwila. Bangu-91 abantu abalahlekelwe yimpilo yabo,” kusho unobhala wombuso waseNampula, uJaime Neto.
Izingane eziningi beziphakathi kwezisulu ezishonile nazo.
Abatakuli bathole abahlanu kuphela abasindile futhi befuna abanye, kodwa izimo zasolwandle zazenza umsebenzi ube nzima.
Iningi labagibeli belizama ukubalekela izwe ngenxa yokwethuka okudalwe wukubheduka kwesifo sekholera, kusho uNeto.
Izwe eliseningizimu ne-Afrika, elingelinye lamazwe ampofu kakhulu emhlabeni, seliqophe cishe izigameko ezingu-15 000 zesifo esibangelwa amanzi kanye nokufa kwabantu abangu-32 kusukela ngo-Okthoba, ngokusho kwemininingwane kahulumeni.
INampula iyisifunda esithinteke kakhulu, sibalwa ingxenye yesithathu yawo wonke amacala.