Amalungu ophiko olulwa nezigelekeqe abophe owesilisa oneminyaka engu-18 ubudala eBohlokong eBethlehem esifundazweni saseFree State ngemuva kokuba umphakathi ukhiphe imininingwane ngezenzo zakhe ezingekho emthethweni.
Mhla ziyi-16 kuMfumfu wezi-2024 ngabo-16:00, amalungu e-Anti-Gang Unit, atshalwe esifundeni saseThabo Mofutsanyane, abeqhuba umkhankaso eBohlokong ngesikhathi ethola ulwazi ngensizwa edayisa izidakamizwa kanye nempahla eyebiwe.
Ithimba liphuthume eBohlokong, lafica ibhungu elineminyaka engu-18 ubudala endlini labe seliqhubeka nokusesha endlini. Kushaqwe amaphilisi eMandrax enani elilinganiselwa ku-R400 000, icrystal meth, insangu, izinhlamvu eziningi, isibhamu esingekho emthethweni esingu-9mm, amaselula nemali. Isibhamu sitholwe sifihlwe kudeshibhodi yemoto yale nsizwa kwaphinde kwathathwa nemoto.
Umsolwa uboshiwe kanti uzovela eNkantolo yeMantshi yaseBethlehem maduze.