AMAPHOYISA kaMasipala weTheku ahlasele abantu abathathu okukholakala ukuthi bebekhiqiza amaphepha omgunyathi.
UMnuz Boysie Zungu womnyango uthi umkhankaso wenziwa ngoLwesithathu ku-Anton Lembede Street.
“Kuboshwe abantu abathathu base-Ethiopia ngokukhiqiza amaphepha omgunyathi ahlukene okuhlanganisa izitifiketi sokuzalwa, iziqu zasenyuvesi kanye nezincwadi zamakhansela mbumbulu.”
Ezinye izinto ezinjengogwayi nezimpahla eziphelelwe yisikhathi nazo zishaqiwe.
Abasolwa bagcinwe esiteshini samaphoyisa enkabeni yeTheku.
NgoMsombuluko, iziphathimandla zenze omunye umkhankaso endaweni yaseThekwini e-Albert Park, lapho abantu abangaphezu kuka-100 bayiswa e-Durban Central SAPS.