I bafana bafana ibidlala umdlalo wayo wokugcina nezwe lase Lesotho osukwini lwayizolo njengoba namuhla belifulathele elengabandi bebhekise amabombo ezwenikazi lase Ivory Coast ngaphambi komqhudelwano we AFCON.
I bafana iqhubeke lapho yagcina khona ngenkathi bedlala nezwe lase Rwanda ngokungaliboni ipali ukuthi lingaphi njengoba osukwini lwayizolo bedlale ngokulingana 0_0 nezwe lase Lesotho.
Cishe bese kuphele iminyaka 3 yonke lamazwe agcina ukubhekana njengoba bagcina ukuhlangana ngo nyaka Ka 2021 kwi midlalo ye Casafa cup nalapho okwanqoba khona ibafana ngo 4_0.
Ibafana iqale ngo Veli Mothwa ezintini kwathi emuva yafaka Nkosinathi Sibisi endaweni Ka Mvala njengoba yena esalindele ukuzwa ngo dokotela be qembu ukuthi agibele yini endizeni njengoba enokuthinteka.
Ibafana akukho okutheni ekwenzile ngesiwombe so kuqala njengoba kubonakale umnyakazo owodwa nje vo Ka Makgopa lapho eshaye khona ipali Kanti u Mothwa yena ubezifundela iphephandaba ngesiwombe so kuqala.
Umqeqeshi uzenzile izingunquko ngesiwombe sesibile njengoba ebanikezile abadlali abafana no Zakhele Lepasa, katlego Mashego, Nyiko Mobbie, Thabang Monare Kanye nonozonti u Ricardo Goss bonke balitholile ithuba kodwa kwanhlanga zimuka nomoya ekutheni kuqhamuke igoli.
Ezika Bross seziyothembela emkhulekweni ekutheni ayoqhamuka amagoli ngesonto elizayo Uma ngabe sebebhekene nezwe lase Mali kumqhudelwano we. AFCON.
Lamazwe azotholana phezulu kumdlalo wabo wokuqala ngo Lwesibili lwango 16 kwe phezulu ngo 10 ebusuku kwi kundla yezemidlilo eyaziwa ngokuthi at the Stade Amadou Gou Coulibaly.